Keller

Bis just am 31. Jänner 2012 hänn d'Wirbel-Waggis e scheene Käller an der Fäldbärgstrooss 41 gha. Zu däm Datum het dr Bsitzer vom Huus "Aigebedarf" agmolde und mir hänn nid welle strytte und d'Sach usezöögere. Drum hänn mir unseri Heimat für dr Hogg nach rund 10 wunderbare Joor in däne mir vieli ganz tolli Stunde mitenander hänn derfe verbringe, verloo. Es isch schwähr gfalle, aber es isch jetzt halt Tatsach. Mir dangge allne, wo mit uns tolli Momänt in unserem Käller erläbt hänn. Zer Erinnerig wänn mir do e bar Bilder lo stooh - mir dängge es lohnt sich.

Zer Zyt hänn mir also kai feschte Blatz fyr unseri Monetshögg (dr letscht Zyschidg vom Monet! Wenn ebber e tolli Idee, oder gar e glatte glaine Cliquekäller het, denn dangge mir fyr d'Hiewyys. In dr Zwischezyt fiehre mir unseri Högg emolle do und emolle derte duure - nochelääse kasch das jewyyle unter em Link "Termine" uff unserer Homepage.

Dini Wirbel